លោកសាស្ត្រាចារ្យ សំបូរ មាណ្ណារ៉ា ទទួលមរណភាពនៅព្រឹកថ្ងៃទី២០ មេសា
លោក សំបូរ មាណ្ណារ៉ា សាស្រ្តាចារ្យជំនាញប្រវត្តិសាស្ត្រខ្មែរ បានទទួលមរណភាពហើយនៅវេលាម៉ោង ៥និង ៤០ នាទី ព្រឹកថ្ងៃទី២០ ខែមេសា ឆ្នាំ ២០២៤ នៅមន្ទីរពេទ្យកាល់ម៉ែត ដោយរោគាពាធ។
សពរបស់លោកនឹងតម្កល់ទុកធ្វេីបុណ្យតាមប្រពៃណីព្រះពុទ្ធសាសនា នៅផ្ទះលេខ ១ ផ្លូវ ៥A សង្កាត់សំបួរ ខណ្ឌដង្កោ រាជធានីភ្នំពេញ។
លោក សំបូរ មាណ្ណារ៉ា បានធ្វើការក្នុងវិស័យអប់រំ ពិសេសលើជំនាញប្រវត្តិសាស្ត្រ ប្រមាណ៤០ឆ្នាំមកហេីយ។ កាលពីថ្ងៃទី៩ ខែកុម្ភៈ ឆ្នាំ២០២៣កន្លងទៅ លោក សំបូរ មាណ្ណារ៉ា ទទួលបានការប្រោសព្រះរាជទានឋានៈ ជាទីប្រឹក្សា សម្ដេច ហ៊ុន សែន ដែលជានាយករដ្ឋមន្ត្រីកម្ពុជានាពេលនោះ។
